Maialen Altuna Etxeberria (Lasarte-Oria, 1985) Gizarte eta Kultur Antropologian Lizentziatua da Euskal Herriko Unibertsitatean (UPV/EHU) eta Ikerketa Feministak eta Generokoak Masterra du (UPV/EHU). Egun, irakaslea da Balioen Filosofia eta Gizarte Antropologia Sailean (UPV/EHU) eta ikertzaile kontratatua da Antropologia Feminista Ikerketa Taldean (UPV/EHU).

Ikerketa ibilbidea master amaierako lanarekin hasi zuen punk-rock taldeetan emakumeen parte hartzearen inguruko lan batekin (2010) “Emakumeak punk-rock taldeetan” izenburupean. 2010. urtean bertan, Tolosako Udaleko “Emakumeek Tolosako historiari egindako ekarpena” II Ikerketa Beka eskuratu zuen lehen frankismo garaiko genero femeninoaren eraikuntzaren inguruko ikerketa gauzatuz.

2013-2016 urte bitartean tesi proiektua garatzen ibili da Zabalduz 2012: Ingurune produktibo eta sozialarekin lankidetzan prestatzeko ikertzaileentzako programari esker, UPV/EHU eta AHOA Ahozko Artxiboarekin elkarlanean. Tesian lehen frankismoko genero identitateen eraikuntzak aztertzen ditu, botere harremanetan eta gorputzean zentratuz. 2015. urtean egonaldia egin zuen Buenos Aireseko Unibertsitateko (Argentina) Filosofia Fakultateko Instituto Interdisciplinario de Estudios de Género taldean.

Experiencia Moderna ikerketa taldeko kidea da eta baita Ankulegi Antropologia Elkartea eta AHOA Ahozko Artxiboa elkarteetako kidea ere.

Argitalpen nagusiak:

-Maialen Altuna (2018): “Represión cultural, género y control social en el primer franquismo. Los bailes juveniles” in Esteban, Mari Luz eta Hernandez, Jone Miren (koord.), Etnografías feministas. Una mirada al siglo XXI desde la antropología vasca, EdiciosBellaterra: Barcelona.

-Maialen Altuna (2016): “Emozioen erabilera genero-sistemaren inposaketan. Frankismoko dantzaldien kasua” in Esteban, Mari Luz eta Hernandez, Jone Miren (koord.), Etnografia Feministak Euskal Herrian. XXI. Mendera begira dagoen antropologia, Bilbo: UEU-UPV/EHU.

-Maialen Altuna (2010): Emakumeak punk-rock taldeetan, Master amaierako lana, linean argitaratua. BalioenFilosofia eta GizarteAntropologia UPV/EHU eta IkasketaFeministak eta GenerokoakDoktorego Programa UPV/EHU.

maialen.altuna@ehu.eus