Talde argitalpenak

Continuidades, conflictos y rupturas frente a la desigualdad: jóvenes y relaciones de género en el País Vasco

Esteban Galarza, Mari Luz; Bullen, Margaret; Díez Mintegui, Carmen; Hernández García, Jone M.; e Imaz Martínez, Elixabete (2016). Vitoria-Gasteiz: Emakunde-Instituto Vasco de la Mujer.

Deskargatu hemen

Etnografia feministak Euskal Herrian. XXI. mendera begira dagoen antropologia

Mari Luz Esteban; Jone M. Hernández García (koord.) (2016)Bilbo: UPV/EHU-UEU

Liburu honek, azken urteetan, gure testuinguruan garatu diren edo garatzen ari diren ikerketa antropologiko feministen berri ematen du. Sarrerako kapituluan jasota gelditzen denez, asko dira laurogeiko hamarkadatik hona emakumeen errealitatea aztertu edota genero-ikuspegia erabili duten euskal antropologoak, ekarpen interesgarriak eginez, ez bakarrik genero-harremanen analisiari dagokionez, baizik eta, oro har, euskal kulturaren eta euskal gizartearen azterketari dagokionez ere. Horietako batzuek, guztiak Euskal Herriko Unibertsitatean ikertzen edota irakasten daudenak, parte hartzen dute liburu honetan.

Edukiak lau multzotan antolatuta daude. Lehen atalean, zenbait ikergai klasikoren inguruko ikuspegi berrituak biltzen dira, bertsolaritza, pilota edota frankismo garaiko dantzaldiak hizpide izanik. Bigarrenean, emakumeen politikak, agentzia eta erresistentziak aztergai nagusitzat hartzen dituzten lanak daude: eroetxeetan eta kartzeletan sarturiko emakumeen esperientziak, hilekoaren politikak, eta berdintasunerako politika instituzionalak. Hirugarrenean, zentzumenak, gorputza eta eszenaren esparruetan sortzen ari diren proposamen teoriko-metodologiko berritzaileak eskaintzen dira. Azkenik, laugarren atalean, maitasun-harremanen arloan egindako zenbait ikerketa aurkezten dira, gai eta talde ezberdinen inguruan harilkaturikoak: gizonak, bikote parekideak, nerabeak eta adiskide-taldeak.

Deskargatu hemen

Festak, genero-harremanak eta feminismoa: begirada teoriko eta antropologikoak, praktika sortzaileak eta plazeraren kudeaketa kolektiboak

Miren Guilló Arakistain (koord.) (2016). Bilbo: Udako Euskal Unibertsitatea.

Subertsioz eta plazerez ehundutako harremanak eta gorputzak gara festetan. Afektuak, konplizitateak, barrea eta dantza. Aitzitik, jendarteko gatazkak eta desberdinkeriak ere islatzen dira haietan. Izan ere, kultur (sistemen) adierazpen ahaltsu direnez gero, jendarte, herri, talde edota komunitate jakinen ezaugarri guztiak islatzen dira jaietan. Ondorioz analisi eta gogoetarako pribilegiozko leku bilakatzen dira: bizimodu sozialak egituratzeko moduen berri ematen digute, baita jendarte horren eraldaketarako eta disidentziarako estrategien berri ere

Liburu honetan, festak genero-ikuspegitik aztertzeko zenbait gako proposatzen dira, esaterako, antropologia feministak eta, oro har, feminismoak proposatzen dituen zenbait ainguraketaren bitartez. Hala, testuinguru desberdinetan sortzen diren zenbait jai-erritu, egitasmo eta genero-harreman analizatzen dira. Horrez gain, festa-esparruan sortu diren hainbat ekimen, aldarrikapen, prozesu parte-hartzaile eta gogoeta ere bildu dira. Agentzia feminista erdigunean, festak eraldaketa kolektiborako esparru ahalbidetzen baitira. Funtsean, abiagune, testuinguru eta narrazio desberdinen artean festa-politika feministetan eta plazeraren kudeaketa kolektiboetan arakatzeko mapa sortu nahi izan da, bestelako koordenatuen bilaketan.

Info +

Etnografías feministas. Una mirada al siglo XXI desde la antropología vasca

Mari Luz Esteban; Jone M. Hernández García (koord.) (2018). Barcelona: Edicions Bellaterra.

Info +