Laura Muelas de Ayala

LAURA MUELAS DE AYALA (Murcia, 1984). Ikus-entzunezkoen Errealizazioan Goi-mailako Teknikaria da, Gizarte eta Kultur antropologian Graduatua Madrilgo Complutense Unibertsitatean eta Ikerketa Feministak eta Generokoak masterduna UPV/EHU-n.

Egun, doktoretza tesia gauzatzen dabil UPV/EHU-ko Ikerketa Feministak eta Generokoak Doktoretza programaren barruan. Bertan, plazeraren inguruko praktika feministen analisi bat planteatzen du, hau da, praktika eta teoria feministen barnean plazera eratzeko modua, esanahiak eta diskurtsoak aztertzen ditu. Ikerketa hau master amaierako lanetik abiatzen da.

Ikastetxeetan aniztasun sexualaren eta elkarbizitzaren inguruko ikerketa lanetan parte hartu izan du. 2012tik 2017ra Madrilgo Unibertsitate Autonomoan Zinema eta Sexualitatea Jardunaldien antolakuntzako partaidea izan da. Nerabe, gazte eta irakasleekin aniztasun sexualaren inguruko zenbait dokumental etnografikoren errealizazioan ere hartu du parte.

Gaur egun, UPV/EHUko Antropologia Feminista Ikerketa Taldean (AFIT) kontratatutako ikertzailea da. Donostiako Feministaldia Kultura Feminista Jaialdiko koordinazio-taldeko kidea, eta Euskal Herriko mugimendu feministako militantea. Eihera Kooperatiban ere lan egiten du, eraldaketa feminista eta LGTBI prozesuak diseinatzen eta abian jartzen.

Publikazio batzuk:

Muelas de Ayala, Laura; Díez Mintegui, Carmen; Urquijo Arregi, Miren eta María Zapata Hidalgo (2020) “Donostiako Emakumeen Etxea (DEE)”, in Mari Luz Esteban (arg.) Komunitateak ehunduz herri ekimenetatik, Euskal Herriko Unibertsitateko Argitalpen Zerbitzua. 35-43 orr.
Muelas de Ayala, Laura; Díez Mintegi, Carmen; Urquijo Arregi, Miren y María Zapata Hidalgo (2020) “La Casa de las Mujeres de Donostia (DEE)”, en Mari Luz Esteban (ed.) Tejiendo comunidades desde iniciativas populares, Euskal Herriko Argitalpen Zerbitzua. Pp. 35-43.
Muelas, Laura (2018) “Una mirada a las fiestas desde la antropología feminista: el placer como proceso creativo y espacio político”, in Mari Luz Esteban y Jone M. Hernández (Coords.) Etnografías feministas. Una mirada al siglo XXI desde la antropología vasca, Bellaterra, Barcelona. 273-293 orr.
Muelas de Ayala, Laura (2016) “Tejiendo redes contra el cáncer de mama desde la investigación y el activismo“, reseña: Ana Porroche-Escudero, Gerard Coll-Planas y Caterina Riba (eds.), 2016, Cicatrius (in)visibles. Perspectives feministes sobre el càncer de mama, Ankulegi, 20. Pp. 115-118.
Muelas de Ayala, Laura (2016) “Begirada bat jaiei antropologia feministatik: plazera sormen-prozesu eta espazio politiko gisa”, in Miren Guilló Arakistain (Koord.) Festak, genero-harremanak eta feminismoa. Begirada teoriko eta antropologikoak, praktika sortzaileak eta plazeraren kudeaketa kolektiboak, UEU. 55-70 orr.
Muelas de Ayala, Laura (2015) El placer como proceso creativo en la transformación feminista, Master Amaierako Lana, UPV/EHU.
Muelas de Ayala, Laura (2014) Erreseina: Women, Sexuality and the Political Power of Pleasure (Susie Jolly, Andrea Cornwall eta Kate Hawkins, Edk.), AIBR-Revista de Antropología Iberoamericana, 9. liburukia, 3. zk., 327-330 orr. DOI: 10.11156/aibr.0903lib
Muelas, Laura; Pichardo, José Ignacio; Puche, Luis eta Matías de Stefano (2014) Jóvenes y diversidad sexual. Transformando el presente, construyendo el futuro, 15 minutu.
Muelas, Laura; Pichardo, José Ignacio; Puche, Luis eta Matías de Stefano (2013) Diversidad sexual y convivencia: una oportunidad educativa, 18 minutu.